Awalen akked tenfaliyin i usishel n tmeslayt s teqbaylit

Sɣur: D.Messaoudi

I wakken ad nessegdel i ubeddel n tutlayt (code switching) tal tikkelt ara d-neɣli deg tenfalit ur nessin neɣ ur yellin deg teqbaylit, walaɣ dakken yelha ma nura-d yiwen n wuɣuɣ n wawalen akked tenfaliyin am ti:

1- Amer/limer kan (si seulement / if only)

– “Amer kan ay llan ɣer-i yidrimen.”

2- Ɣef zik axiṛ (plutôt sera le mieux / the sooner, the better)

– “Fak axeddim-ik ɣef zik axiṛ.”

3- Mɣiwel neɣ mɛeṭṭel (tôt ou tard / sooner or later)

– “mɣiwel neɣ mɛeṭṭel, ad iyi-d-yessuter isuraf.”

4- Ulaqrar / d ulaqrar (en fin de compte / ultimately)

– “Ay yebɣu yini-t-id, ulaqrar ad yuɣal deg wawal-is.”

5- Af-d tisebbiwin / err iman (prétexter / pretend)

– “Yal m’ara s-iniɣ iyya-d yid-i, yettaf-d tisebbiwin ur yezmir ara ad yeddu.”

– “Yal m’ara s-siwleɣ, ad yerr iman-is ur yesli ara.”

6- I lmen n ( à l’occasion de / on the occasion)

– I lmend n tfaska n tmeṭṭut, tijmilin-nneɣ i akk tiqbayliyin.”

7) Ig yeɣli / ad yeɣli (à bas / down with)

– “Ig yeɣli udabu amesbaṭli!”

– “Ad yeɣli udabu amesbaṭli!”

… (dans ce cas / in this case)

8- Ifut wakud (trop tard / too late)

– Dayen, ifut wakud i wuẓu n yisekla.”

9- Awi-d ukan / amarezg (tant mieux / so much the better)

– “Yezger akk-in i wasif. Awi-d ukan.”

– “Yerbeḥ luṭu. Amarezg-is!”

10- Anger / anher / angeḥ (tant pis / so much the worse)

– “Ur d-yufi ula d yiwen n useqsi. Anger-is!”

– “Anher-ik, ur d-tyfiḍ ula yiwen n useqsi.”

11- Ur yelli umukris (pas de problème / no problem)

– “Tebɣiḍ ad tlemdeḍ taqbaylit? Ur yelli umukris.”

12- War amukris (sans problème / no problem)

– “Nezmer ad nezger tilisa war amukris.”

13- War awennit (sans commentaire / no comment)

– War awennit, kra yellan iban.

14- Qbuc-qellal / qeccuc meccuc (pêle mêle /higgledy-piggledy )

– “Deg tallit n ulqaḍ n uzemmur, tteffɣent twaculin tiqbayliyin qbuc-qellal ɣer yiɣeggdan”

15- Ma yella wamek (si possible / if possible)

– “Ma yella wamek, azen-iyi-d izen ɣer utilifun-iw.”

16- Yif mɛeṭṭel wala werǧin (mieux vaut tard que jamais / better late than never)

– “Ɣas ad nɛeṭṭel deg ubrid yelha ; yif mɛeṭṭel wala werǧin.”

17- Deg yimiren yuɛṛen / deg yir tilla (dans les moment difficiles / in difficult times)

– “Ameddakel n tidet d win ara yilin yid-k deg yimiren yuɛṛen.”

18- Deg tegnit iẓemken (dans les circonstances difficiles / in difficult circumstances)

– “Ameddakel-ik d win ara k-irefden deg tegnit iẓemken.”

19- Ihayen (d’accord / alright, OK)

– “Kečč qqim da” … “ihayen a gma.”

20- Iban /Iban akk (bien sûr / of course)

– “Ad tedduḍ yid-i?” … “iban akk.”

Yettkemmil …