Aẓar YWN akked yisuddam-is

Sɣur: D.Messaoudi

Seg wawal “yiwen” / « yiwet », nezmer ad d-nessuddem ayendin n wawalen imaynuten swayes nezmer ad d-nini ayen yettwannan deg tutlayin nniḍen. Walit:

- Yiwen … un / واحد

o Yal yiwen iqadeṛ iman-is.

(que chacun se respecte) / (ليحترم كل واحد نفسه)

- Syiwen … unifier / وحّد

o Nettnadi ɣef win ara yesyiwnen Iqbayliyen.

(nous cherchons celui qui unifiera les Kabyles) / (نحن نبحث عن من سيوحد القبائل)

- D akniw n : Nettnadi ɣef win ara yezdin Iqbayliyen.

- Asyiwen … unification / توحيد

o Ur yelli d awezɣi usyiwen n Yiqbayliyen.

(l’unification des Kabyles n’est pas impossible) / (توحيد القبائل ليس مستحيلا)

- Asyiwan … unificateur / موحّد

o Netta d asyiwan n Yiqbayliyen.

(il est l’unificateur des Kabyles) / (هو موحد القبائل)

- Ayiwan … unique / وحيد

o Ṛebbi d ayiwan ur yesɛin amtil.

(Dieu est unique et n’a de semblable) / (الله وحيد و ليس له مثيل)

- Yiwani … uniquement / فقط

o Tessen yiwani sin n wawalen deg tutlayt-a.

(elle connait uniquement deux mots de cette langue) / (هو يعرف فقط كلمتين من هذه اللغة)

- D akniw n: Tessen kan sin n wawalen deg tutlayt-a.

- Tayiwent … unicité / أُحادية

o Send 1988, nella nettidir deg tyiwent n tedmi.

(avant 1988, nous vivons dans l’unicité de la pensée) / (قبل 1988، كنا نعيش في أحادية الفكر)

- Tayiwet … unité / وحدة

o Aselkim-iw tettwaɣ-as tyiwet-is tanemmast.
(L’unité centrale de mon ordi est HS) / (لقد تعطلت الوحدة المركزية لحاسوبي)

________________________________

TAMAWT: ahat aṭas ur yeẓrin ara dakken llan yirbiben n tɣara (adv. de manière) deg teqbaylit. Yebder-d yakan kra deg-sen M.Mameri, nekk giɣ daɣen yakan yiwen unadi ara tafem deg ugraw-agi.
I usemekti kan, neqqar « ɛinani, warraci, mezleg, » atg. Ihi, snulfaɣ-d « yiwani » (uniquement) ara yilin d akniw n « kan ».