Aẓar QD akked yisuddam-is

Sɣur: D.Messaoudi

Tamawt: aẓar-a yekka-d seg uẓar anaṣli GD yellan ar ass-a deg kra n tmaziɣin am Tmaheɣt aydeg d-yefka awalen am “egdi” (suffir) akked “tougdut” (suffisance). Maca aẓar-agi yeǧǧa-d timitar-is deg teqbaylit deg yiwen yisem n twacult umi neqqar Megdi.

• Qad « être suffisant, ê.de la même taille que », am deg “Ur d-ittqad ara seksu-a i nnig n sin medden” (ce couscous ne suffira pas pour plus de deux personnes) / (هذا الكسكسي لن يكفي لأكثر من شخصين) neɣ “Ur iyi-d-qaden ara warkasen-a” (ces chaussures ne me vont pas) / (هذا الحذاء لا يناسبني).

• Aqadi « fait d’être suffisant »

• Taqadit « suffisance »

• Amqadi « suffisant » am deg “ur d amqadi ad tebɣuḍ akken ad tesɛuḍ” (ce n’est pas suffisant de vouloir pour avoir) / (لا يكفي أن تريد لكي تملك).

• S tqadit / mqadi « suffisamment » am deg “sɛiɣ idrimen s tqadit/mqadi”. (j’ai suffisamment d’argent) / (لي كفاية من المال). Ɣas ulamma neqqar deg tillawt “sɛiɣ ayen ara iyi-d-iqaden n yidrimen”.

• Taqadimant « autosuffisance »

• Amqadiman « autosuffisant » am deg “win ur yebɣin ad d-yerḍel yili d aqadiman” (qui ne veut pas emprunter qu’il soit autosuffisant) / (من لا يريد أن يقترض فليكن مكتفا ذاتيا).